Sluit by ons aan vir die opening van ons nuwe uitstalling, Deaccessioned, in samewerking met die Hidden Years-musiekargief, op Woensdag 15 April om 18:00, gevolg deur ’n albumbekendstelling en konsert om 19:00.

Deaccessioned bied ’n reeks nuwe werke aan wat in antwoord op verslete foto’s, klank en voorwerpe van die Hidden Years-musiekargief ontwikkel is. Eerder as om hierdie materiaal as stabiele rekord te hanteer, gebruik deelnemende kunstenaars en skrywers dit as omskeppingsterrein, gevorm deur tyd, water, insekte en hantering. Die uitstalling verskuif die fokus van geskiedkundige inligting na estetiese en materiële verandering, ten einde nuwe maniere te ontlok waarop die argief gesien en geïnterpreteer word.

Nuwe opdragtekste word met hierdie veranderde beelde in gesprek geplaas, met bydraes deur ’n paar van Suid-Afrika se voorste skrywers, soos Aidan Erasmus, Diana Ferrus, Paula Fourie, Athol Fugard, Stacy Hardy, Ronelda Kamfer, David Mann, Wamuwi Mbao, Mbe Mbhele, Charles-Pierre Naudé, Vuyokazi Ngemntu, Pieter Madibuseng Odendaal, Jolyn Philips, Nathan Trantraal en Ivan Vladislavić. Die uitstalling sluit ook ’n reeks giclée-afdrukke deur Nicola Deane en Jurie Senekal in, asook werk deur Heléne van Aswegen en Nelisiwe Xaba.

Die aand se program sluit ’n albumbekendstelling en konsert in van Hypha, ’n reeks van sewe nuwe komposisies deur Cara Stacey. Hierdie werk put inspirasie uit vervalle argiefmateriaal in die Hidden Years-musiekargief. Met behulp van multispesie-provokasie, reis deur tyd en kode, ondersoek Stacey hoe ons luister deur improvisasie en skepping met band, dekomposisie, beelde en vorm gevorm kan word, en dit vir dissonansie, onvoorspelbaarheid en verandering oopgestel kan word. Keenan Ahrends en Matthijs van Dijk sluit by haar aan vir die uitvoering.

In die komende maande sal daar ’n rondleiding deur ’n paar van die skrywers en kunstenaars van hierdie projek wees asook ’n vertoning van hypha, ’n film deur Aryan Kaganof. Hierdie rolprent gebruik gevonde beeldmateriaal uit die Hidden Years-musiekargief en oorspronklike agtergrondmusiek deur Cara Stacey in ’n diepgaande besinning oor tyd, herinnering en verval. Hou ons volgende nuusbriewe dop vir meer inligting.

Hierdie werke maak deel uit van die navorsingsprojek Decay without Mourning: Future-thinking Heritage Practices, wat deur die Riksbankens Jubileumsfonds befonds is. Kliek hier vir meer inligting.

Bespreek asseblief hier. Toegang is gratis en almal is welkom!