Alle aspirant- en stokperdjiedigters word hartlik uitgenooi na ons derde Digslypskool op Saterdag 19 September – ’n unieke geleentheid saam met die bekroonde digter Danie Marais. Hierdie intensiewe, inspirerende dag vind plaas in Jannie se Leeskamer van 09:00 tot 16:00, met ’n middagpouse om asem te skep, idees te laat broei en kreatiewe energie te herlaai.
Of jy reeds skryf of nog net droom om te begin – hierdie slypskool bied:
- Praktiese leiding deur ’n gevestigde stem in die Afrikaanse letterkunde
- Kreatiewe oefeninge om jou skryfwerk te slyp
- Waardevolle terugvoer en inspirasie
- ’n Geleentheid om deel te word van ’n groeiende diggemeenskap.
Bring jou eie middagete saam of ondersteun een van die uitstekende restaurante in die hartjie van Stellenbosch. Plek is beperk – bespreek vroegtydig om teleurstelling te voorkom!
Kom ontdek nuwe moontlikhede met woorde. Ons sien uit daarna om saam met jou te dig.
Koste: R500 per persoon (drankies ingesluit)
Bespreek jou sitplek hier.
Taal: Afrikaans