WILDE WEGKRUIPERTJIE: ’n DINOSOURUS-AVONTUUR

Kan jy die dinosourusse kry wat in die mure wegkruip?

Saterdag 12 Julie tot Saterdag 30 Augustus

Betree ’n kleurvolle avontuurpark van muurskilderye geïnspireer deur Alex Latimer en Kikaseya Keitaro se kinderboek, Dinosaur Hide-and-Seek. Hierdie speelse uitstalling nooi sowel kinders as volwassenes uit om te verken en die dinosourusse te soek wat in muurskilderye wegkruip. Hierdie uitstalling is propvol verbeelding en wilde verrassings; ’n vreugdevolle viering van kuns, vertelkuns en die opwinding daarin om jou verbeelding vrye teuels te gee.

Met onder andere interaktiewe speletjies en ’n leeshoekie laat hierdie uitstalling kinders se verbeelding toe om verder as die muurskilderye in die galery te strek.

Taal: Engels en Afrikaans