Sluit aan by die bekendstelling van Franklin Sonn se indrukwekkende outobiografie, Karooseun van Vosburg, tydens ’n gesprek met Michael le Cordeur.

Die boek vertel van hierdie vryheidsvegter-ikoon se vormingsjare in Queenstown in die Oos-Kaap, ná sy geboorte in Vosburg in die Karoo in 1939. Sonn het ’n lewenslange bydrae gelewer tot onderwys en geregtigheid as onderwyser, skoolinspekteur, skoolhoof, rektor van die voormalige Skiereiland Technikon en president van die Kaaplandse Professionele Onderwysunie (KPO).

’n Betrokke teenstander van apartheid, is hy in 1995 deur pres. Nelson Mandela aangewys as Suid-Afrika se eerste swart ambassadeur na die VSA. Hy was ook kanselier van die Universiteit van die Vrystaat en het meer as ’n dosyn eredoktorsgrade ontvang.

Moenie hierdie merkwaardige geleentheid misloop nie.

Kliek hier om jou plek te bespreek.

Taal: Afrikaans